Shraapit Shortcut: Jab Google Maps Humein Jaipur-Jaisalmer Ke Ek Bhutaha Raaste Par Le Gaya...
Yeh baat bilkul sach hai ki Rajasthan ki sadko par raat ke waqt gaadi nahi chalana chahiye. Rajasthan ki mitti apne andar kitne raaz aur kitne khaufnaak rahasya lapete huye hai, yeh hum aam insan samajh hi nahi sakte. Unhi gahre rahasyo me se ek hai yahan ki bhatakti aatmaon aur bhuto ka saya. Woh ek khaufnaak raat, jo Jaipur se Jaisalmer ke safar par shuru hui, hamari zindagi ka sabse bhayanak manzar ban jayegi, yeh humne sapne me bhi nahi socha tha. Kisi tarah maut ke muh se jaan bachi hai, isiliye aaj yeh dastaar mai aapke saath share kar raha hu… Baat un dino ki hai jab January ki thand me mere do dost, Rajesh aur Prashant, Mumbai se mere shahar Jaipur ghumne aaye the. Main unke aane se behad khush tha. Maine khub aav-bhagat kiya, unhe pura Jaipur ghumaya. Jaipur ki shaan-o-shaukat aur Rajasthani culture ko itne kareeb se dekh kar aisa lag raha tha maano hum kisi purane zamane me chale gaye ho jahan raja-maharaja hua karte the. January ke us gulabi jaade me Jaisalmer ka craze b...